COCIÑA MOLECULAR

-
Durante a Semana Cultural do CPI As Revoltas, o alumnado de ESO gozou dun taller de COCIÑA MOLECULAR!

 Neste taller  realizamos esferificacións con alimentos líquidos ou semisólidos. Para isto, foi preciso mesturar o alimento en cuestión (no noso caso probamos con iogur, leite, zume e chocolate para beber) cunha substancia xelatinosa  de orixe vexetal denominada agar-agar. Unha vez feita a mestura tivemos que levala a ebulición durante 1 minuto. Tras este tempo, enchemos unhas xiringas pequenas coa mestura e deixamos caer pequenas gotas nun vaso alto e estreito que contiña aceite de xirasol moi frío (estivera toda a noite no conxelador e logo en contacto con xeo). O contraste de temperaturas era preciso para que se formasen as esferas ou bóliñas de cada alimento, conferíndolles unha textura xelatinosa por fóra e por dentro co sabor e textura propios de cada substancia. Por último, ditas bólas había que coalas e pasalas por un baño de auga para eliminar restos de aceite. Todas estas operacións era preciso realizalas con bastante tino e suavidade  para non romper as esferas, pois son moi fráxiles.

 Tamén se lle podían engadir colorantes alimentarios para facer perlas con cores máis chamativas.

 Esta técnica, aínda que máis depurada, emprégana na cociña de expertos do nivel de Ferrán Adriá, entre outros.






Comentarios

Publicar un comentario

Entradas populares de este blog

CONVIVENCIA E ANGEL CARRACEDO

-
Imagen
O club de ciencias tivo unha xornada única espectacular.  O 15 de xuño tivemos unha xonada final de divulgación científica en convivencia no auditorio de Cabana, na que participaron os tres Clubs de Ciencia da zona: IES Urbáno Lugría de Malpica de Bergantiños, IES Eduardo Pondal de Ponteceso e o CPI As Revoltas de Cabana de Bergantiños na que tivemos como convidado honorífico ao Doutor Anxo Carracedo. Nesta xornada, cada un dos clubes fixo unha mostra do traballo realizado durante o curso. En concreto, o club de Cabana mostrou os hologramas e agasallou a cada centro con un dos proxectores feito polo alumnado. Asemade, o Doutor Carracedo deunos unha conferencia sobre: Que é ser científico?  Esta xornada rematou no paseo de Cabana de Bergantiños no que o alumnado do IES de Ponteceso compartiu connosco a práctica da aplicación que deseñaron: Aves do Esteiro do Anllóns. O alumnado de primeiro de primaria fixo unha present
Leer más

APAGUEMOS O LUME!

-
Imagen
   Esta sesión do Club xurdíronnos dúbidas de química, e... mans a obra para respondelas! As preguntas que nos formulamos foron: Como podemos apagar o lume? Sen osíxeno hai combustión?    No referente a segunda pregunta, pois non. A combustión ao igual ca nós precisa de osíxeno do aire, polo tanto, se tapamos unha candea cun vaso, esta consome o osíxeno e apágase. Ademais no noso experimento colocamos a candea sobre un prato con auga, e que sucedeu? Que a auga subiu, porque ao consumirse o osíxeno a presión atmosférica do exterior, que é maior ca do interior, empurra a auga cara dentro do vaso.       Para responder á segunda pregunta, como apagar o lume, elaboramos o noso propio extintor. Onde empregamos : Bicarbonato sódico colocado nun pano de papel Plastilina Un canutillo para beber Unha botella de auga de litro e medio Vinagre Un pouco de fio de coser    Procedemento :    Poñer 4 cullaradas pequenas de bicarbonato no pano, pechalo e amarralo co fí
Leer más

SUPERCONDUTIVIDADE

-
Imagen
Durante as Xornadas Culturais do CPI As Revoltas 2019 , contamos cun convidado especial, Jesús Mosquera, profesor de Física da Universidade de Santiago, para darnos unha charla sobre o fenómeno de supercondutividade que experimentan algúns compostos baixo unhas condicións específicas de presión e temperatura. Ademais, realizou unha experiencia práctica cun tren de levitación magnética, para o cal foi preciso o uso de nitróxeno líquido como refrixerante.
Leer más