ACIDIFICACIÓN DE MARES E OCÉANOS

Nesta ocasión, o alumnado de secundaria experimentou as consecuencias negativas da proliferación de gases contaminantes coma o caso do CO2 para a fauna mariña. Así, seguiron o seguinte guión de prácticas para comprobar como varía o pH da auga ao disolverse nela dito gas. Como ocorre en numerosas ocasións dentro dun laboratorio, tiveron que buscar unha opción alternativa para desenvolver o experimento, pois do xeito inicial, tal e como lles describía o guión, non lles saía moi ben, ao escaparlles bastante gas pola fendedura saínte do vaso de precipitados. Así, foron quen de deseñar un método similar empregando globos e celo para evitar ao máximo ditas perdas gaseosas.

ACIDIFICACIÓN DE MARES E OCÉANOS

Reactivos

-        Auga

-        Vinagre (ácido acético, CH₃COOH)

-        Bicarbonato (NaHCO₃)

-        Indicador de pH (azul de bromotimol)

Materiais

-        Un vaso de plástico pequeno.

-        Un vaso de precipitados de tamaño maior ao anterior.

-        Un vidro de reloxo.

Procedemento:

1. Verter auga no vaso de precipitados e engadir unhas gotas do indicador de pH. Que color adquire a auga?

2. Agora introduce o vaso pequeno dentro do grande e pégao na parede cun pouco celo sen que entre en contacto coa auga interior. Nel, deposita unha cullerada pequena de bicarbonato e outra de vinagre. Que ocorre?

3. Tapa inmediatamente ambos vasos co vidro de reloxo para evitar que escape o gas que se forma.

4. Espera uns minutos e observa a cor da auga. 

Conclusións:

Que gas obtivemos? .........................

Onde máis se produce dito gas? ............................................

Que consecuencias negativas pode ter para a fauna mariña? 

.......................................................................................................................................