CALIDOSCOPIO

No mes de marzo, fixemos un calidoscopio. Este funciona a través dun tubo con espellos no interior; nun dos extremos colócanse contas de cores e cristal, e na base extrema cuberta deixando soamente un pequeno visor. Ó mirar a contraluz polo visor, hai un bonito efecto óptico, onde se reflexa infinitamente, nos espellos, o que se está vendo, dando lugar a formas e cores divertidas.

Realmente, o que observamos é unha proxección ilusoria multicor, xerada a partir da reflexión da luz e o movemento do obxecto.

O material do noso calidoscopio foi adaptado para nenos, non empregamos espellos nin cristais, este foi substituído por outro material, pero obtivemos un experimento de física, un xoguete e a experiencia de xogar coa luz e cores.

O material empregado para facelo foi:

• Tubo de cartón
• Plástico
• Papel vexetal
• Contas de cores

Procedemento: 

1. Tapamos un extremo do tubo con cartolina, cun pequeno furado no centro, para ver o interior (o visor)
2. Fixemos un prisma triangular, co plástico groso, tan longo como o tubo e introducimolo no interior.
3. No outro extremo do tubo, colocamos papel film, onde colocamos as contas de cores, e tapámolas con papel vexetal, para que quedasen suxeitas.

Foi un traballo laborioso, porque require de boa motricidade fina, exactitude nas medidas...  pero co traballo colaborativo obtívose un bo resultado!