A MAXIA DAS CORES

A MAXIA DAS CORES

Neste curso, quixemos comezar o Club de Ciencias experimentando coas cores e a vexetación. Por unha banda fixemos diferentes cromatografías, e por outra banda empregamos diferentes tinguiduras para comprender a alimentación das plantas.

A cromatografía é unha técnica que se emprega para separar os distintos compoñentes dunha mestura homoxénea por un soporte ou por un disolvente, nós neste caso imos empregar un disolvente.

A cromatografía é unha técnica de análise moi empregada en todo tipo de laboratorios, como por exemplo, nos test antidopaxe que se lle fan aos deportistas.

Nós fixemos unha CROMATOGRAFÍA DA TINTA, para coñecer os diferentes compoñentes da mesma, con diferentes rotuladores e diferentes cores.

Para realizar este experimento empregamos:

✔  Rotuladores (non permanentes) e tesoiras

✔  Auga

✔  Sal

✔  Papel de filtro

✔  Recipiente

Nunha cunca disolvemos auga con sal, aproximadamente un centímetro de altura do líquido. Cortamos unha tira de papel de filtro e un cadrado/círculo, que faga de tapa ao recipiente. A tira de papel longa e aproximadamente dun centímetro de grosor

No anaco cadrado, no centro, facemos un pequeno furado e arredor pintamos un círculo co rotulador; coa tira facemos un canutillo, onde un extremo está en contacto coa auga e outro en contacto coa tinta.

Tamén empregamos as cores para tinguir VEXETAIS E PLANTAS e comprender así o proceso polo cal os vexetais absorben auga e os nutrientes da terra a través das raíces.

Os materiais empregados foron:

✔  Vexetais (apio neste caso) e caraveis brancos

✔  Colorante alimenticio

✔  Auga

✔  Bote/vaso/botella

Nunha botella botamos un pouco de auga, aproximadamente 4 dedos de altura.

Mesturamos cunhas gotiñas de colorante alimenticio.

Introducimos nesa mestura a raíz da planta

E así foi como nos quedaron: