CLUB DE CIENCIAS DAS REVOLTAS

O club de ciencias tivo unha xornada única espectacular.  O 15 de xuño tivemos unha xonada final de divulgación científica en convivencia no auditorio de Cabana, na que participaron os tres Clubs de Ciencia da zona: IES Urbáno Lugría de Malpica de Bergantiños, IES Eduardo Pondal de Ponteceso e o CPI As Revoltas de Cabana de Bergantiños na que tivemos como convidado honorífico ao Doutor Anxo Carracedo. Nesta xornada, cada un dos clubes fixo unha mostra do traballo realizado durante o curso. En concreto, o club de Cabana mostrou os hologramas e agasallou a cada centro con un dos proxectores feito polo alumnado. Asemade, o Doutor Carracedo deunos unha conferencia sobre: Que é ser científico?  Esta xornada rematou no paseo de Cabana de Bergantiños no que o alumnado do IES de Ponteceso compartiu connosco a práctica da aplicación que deseñaron: Aves do Esteiro do Anllóns. O alumnado de primeiro de primaria fixo unh...

O club de Ciencias da Revoltas chega á súa fin durante este curso 2017/2018. O balance é moi positivo tanto polo feedback do alumnado como por parte das impresións do profesorado. Para mostra, estas fotos da entrega de diplomas pola participación neste gran Club!

Con esta práctica o  alumnado comprendiu a importancia da presenza de osíxeno como un oxidante importante nas reaccións químicas. Así viu o cambio de cor que sofre unha disolución ao axitala favorecendo a introdución de osíxeno na mesma. Esta é a descripción da actividade: Aquí está a práctica que empregaron os alumnos e alumnas: Así experimentaron mentras creaban a súas botellas máxicas:

A palabra dermatoglifo está composta etimoloxicamente por dermato (pel) e glifos (debuxos), significa debuxos na pel.  As pegadas dactilares son os sucos ou liñas que existen nas xemas dos dedos. Estas liñas posúen deseños únicos en cada persoa e polo tanto empréganse como un método de identificación. Os dedos nunca posúen pegadas similares, nin siquera entre xemelgos ou entre dedos da mesma persoa. A técnica dos dermatoglifos úsase en criminoloxía e tamén en medicina para diagnosticar enfermidades de orixe xenética. A ciencia que estuda as pegadas dactilares chámase dactiloscopia.  O propósito desta experiencia é principalmente que o alumnado aprecie a variación xenética humana mediante a determinación dos diferentes tipos de pegadas dactilares dos compañeiros e compañeiras do grupo.  Esta característica particular de cada individuo brindou grandes oportunidades no eido da medicina e sobre todo en criminoloxía, disciplina coa que os alumnos tomarán contacto med...

Hoxe facémonos eco desta nova na que o Doutor Ángel Carracedo nos ensina a ver o ADN con materiais ben comúns e dende a cociña da nosa propia casa empregando unha sinxela receita. Pinchade na imaxe e aprende sobre a esencia da nosa vida, o ADN!

A Semana Cultural do cole estivo chea de actividades STEAM. Agora contámosvos como foi o taller de escultura. Nestoutro taller empregamos unha substancia pulverizada denominada alginato de sodio para realizar os moldes das mans do alumnado en diferentes posicións. Esta substancia, similar á que empregan os odontólogos para realizar os moldes de dentaduras, permite construír de xeito rápido e sinxelo uns moldes con gran precisión e exactitude de calquera parte do corpo, podendo observar incluso as pegadas dactilares.  Porén, hai que facer a preparación con auga bastante rápido, pois seca enseguida e se non está ben mesturado xa queda inservible. Logo, para encher os diversos moldes, preparamos un pouco xeso. Esta parte tamén é complexa, pois hai que ter bastante práctica para que ao mesturalo con auga non nos quede cunha consistencia nin moi sólida nin moi líquida e nos permita cubrir todos os ocos do molde sen que queden burbullas de aire atrapadas. Con todos os atrancos descri...

Durante a Semana Cultural do CPI As Revoltas, o alumnado de ESO gozou dun taller de COCIÑA MOLECULAR! Neste taller   realizamos esferificacións con alimentos líquidos ou semisólidos.  Para isto, foi preciso mesturar o alimento en cuestión (no noso caso probamos con iogur, leite, zume e chocolate para beber) cunha substancia xelatinosa  de orixe vexetal denominada agar-agar. Unha vez feita a mestura tivemos que levala a ebulición durante 1 minuto. Tras este tempo, enchemos unhas xiringas pequenas coa mestura e deixamos caer pequenas gotas nun vaso alto e estreito que contiña aceite de xirasol moi frío (estivera toda a noite no conxelador e logo en contacto con xeo). O contraste de temperaturas era preciso para que se formasen as esferas ou bóliñas de cada alimento, conferíndolles unha textura xelatinosa por fóra e por dentro co sabor e textura propios de cada substancia. Por último, ditas bólas había que coalas e pasalas por un baño de auga para eliminar resto...